September 2008

Aming nadarama pag-ibig Mo Ama sa tuwi-tuwina
Kahit nagkukulang Ika’y laging sapat sa ‘Yong mga anak
Ang tanging dahilan ng aming awitan
Dahil sa ‘Yong aral
Bawat butil ng katwiran aming naunawaan
Ikaw ang dahilan

Salamat po Panginoon na may likha
Nitong buhay at ng sandaigdigan
Salamat po Dios sa ami’y ibinigay
Minimithi liwanag naming taglay

Aming pakiusap tulungan Mo kami’y makapagtagumpay
Sa tindi ng sakit at tukso sa mundo nitong sanlibutan
Hawakan Mo Ama aming mga buhay puso’t kaluluwa
Langit na pinapangarap
Paraisong kay ganda, kay liga-ligaya

Salamat po, Panginoong buhay at tunay
Kami’y tunghan sa ‘Yong kalangitan

Ang pangarap ko sa pag-ibig
ay maging akin ang dalangin
ng isang tapat kung gumiliw
ang pagsuyo’y di mawawaglit

Matupad ko lamang ang nais
hahamakin ko ang panganib
Sapagkat ako’y cariñosa kung umibig

Ang puso’y laging malulumbay
Kung lilimutin mo
ang pagsintang wagas aking mahal
Giliw ko na ang tanging
pag-asa, waring magdurusa

Panaligan mo aking giliw
Kailanma’y hindi lilimutin
ang iyong pagsuyo sa akin
iingatan Ko hanggang libing

Kung ako’y maging cariñosa
sa piling mo lang aking giliw
Ang pag-ibig ko ay asahan
walang maliw