ABOT-ABOT ANG SAYA

Marami ng dumaan
at ‘di na rin mabilang
mga bagyong nalampasan
sa lilim ng ‘Yong katwiran

Pagsubok na dumarating,
hindi na bago sa ‘min
Pangako Niya sa itaas,
‘yan ang tiwala namin

At kahit na napipighati,
heto pa rin nakangiti
Tanging hangad
sa tulong Mo Ama’y
makamtan ang aming kaligtasan…

Wooh, aming Dios ng Israel
Abot-abot ang saya
Ngalan Mo’y sinasamba

Wooh, aming Dios ng Israel
Sama-sama’t nagkaisa
Nagpupuri sa ‘Yo Ama

Ito ang aming alay,
sampu ng aming buhay
Gabay Ka naming tunay,
hanggang sa magtagumpay

Sa gitna ng pangamba,
aming ibinabandila
Ang aral Mo at salita,
yaman ng puso at diwa

Tayo na kapatid,
ilakas ang tinig
Pag-asa ay ipabatid,
magbuklod, magkapit-bisig

Ang aming nais,
makapiling Mo
Ayaw na naming
mawalay sa ‘Yo, oh…

Pagkat sa ‘Yo Ama nagmumula
pagpapala na buong ganda

Paglingap Mo sa ‘amin ay ibang-iba
Pag-ibig Mong dakila ay damang-dama