Binabati namin ang aming mga kasama na sina Jerald, Gilbert, Grace at Nancy. Mga bagong miyembro ng Metro Manila Division Choir. Nawa’y makapagpatuloy kayo sa panibagong tungkulin na iniatang sa inyo. Malungkot mang isipin na magkakahiwa-hiwalay na tayo, hindi na tayo magkakasama pa sa bawat destino at awitan sa NDC, subalit masaya ang aming mga nararamdaman sa dahilang binigyan kayo ng pagkakataon na makagawa sa mas malawak na Gawain. Hangad namin na makapagpatuloy kayo at magampanang lubos ang panibagong tungkulin.

“Pagkat iisa ang diwa, iisa ang ating nasa. Na ang Ama’y bigyang lugod buong buhay ipaglingkod at kahit na magkalayo Dios sa puso ang nagbuklod…”

Salamat sa Dios at binigyan N’ya tayo ng pagkakataon na magkasama sama. Huwag ninyo sanang makalimutan ang lahat ng mga pangyayari at lahat ng mga pinagdaanan natin dito sa NDC. Magsilbi sana itong inspirasyon sa bawat isa sa inyo upang makapanatili at makapagpatuloy pa sa ating mga tungkulin. Hindi man maging madalas ang ating pagsasama-sama, magbago man ang suot nating uniporme, alam naman natin na IISA lang ang ating diwa at nasa… Ang mapaglingkuran S’ya ng lubos, saan man N’ya tayo dalhin sa ating mga paggawa. Batid namin na muli tayong magtatagpo at magkakasama na aawit sa Kanya doon sa pangarap ng ating mga puso. Salamat sa Dios sa lahat-lahat ng mga naibahagi ninyo sa NDC, hindi namin yun makakalimutan. Salamat sa inyo, aming mga KAPATID, KASAMA AT KAIBIGAN.

“Kayo ay aming kapiling sa alaala’t panalangin, kayo nawa ay lingapin kung lungkot ay sadyang kay lalim. Karamay n’yo kami sa iisang daing, na sana’y magtagpong muli at MAGKASAMANG MAKAMIT ANG PARAISONG LANGIT”

WE LOVE YOU AND WE WILL MISS YOU!!! (T o T)

NDC Thanksgiving

ADD Convention Center, Apalit, Pampanga. March 29, 2008.

Song Title: IISA
Lyrics by: M. Gangan/R. Clores
Music by: R. Clores
Arranged by: B. Alindada

Isa (parang andami ah) sa “Birit Queen” at ate ng grupo, si Leilani Dela Cruz o Lei ay naging miyembro taong 2004. S’ya ang reyna ng Load, mahilig sa chocolates, sa hamburger at sa kahit na ano basta nakakain :D. Nagdiriwang ng kanyang ika-9 na taon sa Iglesia. Hangad namin na makapagpatuloy ka pa rin sa paglilingkod. Miss na miss ka na namin. Sana muli tayong magkakasamang umaawit. Patawad sa lahat ng naging pagkukulang namin. Mahal ka ng NDC. God Bless!

Si Mary Jean Altamarino o mas kilala sa pangalang “Undang”, ay nagdiriwang ng kanyang ika-4 na taon sa Iglesia. Taong 2003 ng maging myembro at isa sa mga kasama na talaga namang maasahan. Mawawala lang ito sa mga function kung may sakit. Napakamasunurin ng kapatid na ito. Ang swerte nga n’ya kasi bago-bago pa lang s’ya noon sa NDC (mga dalawang linggo pa lang) nang sumama s’ya sa outing ng grupo sa Morong, Bataan. Nagkataong naroon din sina kapatid na Eli at kuya Daniel. Walang ibang tao sa resort kaya’t na solo namin sina ingkong at kuya. Doon namin unang naranasang maawitan ang ating mga tagaakay. Maraming mabubuting bagay ang nangyari sa grupo, masasabi kong isa ito sa “pinaka” sa mga iyon. Kaya’t sa ‘yo Undang huwag ka sanang magsasawa. Isipin mo na lang ang mga magagandang alala na gaya nun. Panatilihin mo ang may mababang kalooban. Keep it up! We love you!

Taong 2004, si Adamrel Maderal o “Bro. Adam” ay isa sa mga hinugot ng NDC mula sa local choir. S’ya ang kasalukuyan Pangulo ng KKTK sa Distrito ng Norte at isa ring nagmamanggagawa. Si Adam ay isa sa mga kapatid na masayahin at minsan makulit din (’pag nasa mood). Kahit na busy s’ya sa kanyang iba pang mga tungkulin ay siniskap pa rin niyang makasama sa grupo kung may pagkakataon. Sa iyo Adam, nawa’y manatili kang isang huwaran sa mga kasama nating kabataan. Panatilihin mo ang pagmamalasakit at pagmamahal sa grupo, gayun din sa buong kabataan ng distrito. God bless!

Isa sa mga bass, si Rhandy Perez o Rhandz ay napabilang sa grupo taong 2004 ng siya ay mag-audition sa grupo. Masasabing napaka soft spoken ng kapatid na ito, pero ‘wag ka, madaldal yan pag dating sa text at chat. Tama ba? S’ya ang Zone 4 Local Choir Coordinator ng NDC. Sa iyo Rhandz, nawa’y mapagpatuloy ka pa at mapanatili mo ang may mababang kalooban. God Bless!

Ang kasalukuyang Vice President, si Steven Wong ay nagdiriwang ng kanyang ika-7 taon sa Iglesia. Taong 2004 ng siya ay mapabilang sa NDC. Ang isa sa dalawang bistik. S’ya rin ang kasalukuyang head ng Business and Finance committee ng NDC. Ang lupet di ba? Sana ‘wag kang magsasawa bro. Hangad namin na makapanatili ka sa iyong tungkulin. Sana patuloy mo pang pagmalasakitan at mahalin ang grupo. Dalangin namin na lahat ng mabuting panukala mo ay matupad. God bless & Keep it up!

Ang pinkamatanda sa NDC, si Edwin Camato o mas kilala bilang “Hagors“, taong 2001 ng mapabilang sa grupo. Sa tulong at awa ng Dios ay nakakapagpatuloy pa rin sa kabila ng ng kanyang edad. Isa sa mga hindi makakalimutan pangyayari ay ng minsang ipahawak sa kanya ni Meow ang paper bag na may laman na sapatos. At ang paper bag na iyon ay naiwanan ni Edwin sa jeepney, nagulat pa sya ng nakita nya si Meow at saka naalala yung paper bag (hahahaha). Walang nagawa ang Pusa kundi unawain ang Edwin dahil sa “Memory Gap”. Sa kasalukuyan s’ya ang “Chairman”. Bakit chairman? Kasi sya ang head ng Physical arrangement and man power committee ng NDC. Pinakamalupit! Ibig sabihin, kaya chairman kasi taga ayos ng bangko. Wehehehe! Kaya’t sa ‘yo Hagors, lagi ka sanang uminom ng Enervon Prime (para walang nang memory gap like me!). Patuloy kang magbantay “Super Lolo”. God bless.

Si Michael Bulan o “Mikaela” ay nagdiriwang nga kanyang ika-7 taon sa iglesia. Taong 2001 ng mapabilang sya sa grupo. Sobrang nakakamiss ang kapatid na ito dahil sa hindi na namin s’ya nakakasama sa ngayon. Siya’y nagtratrabaho sa abroad. (Magpadala ka naman ng chocolates at pondo for us, pambihira!). Sana’y mapagpatuloy ka kahit na malayo ka sa amin, basta andito lang kami, nandiyan ka… Hehehe. We miss you so much “Pirena“. We’ll be waiting for you. Gusto na namin na makasama ka ulit sa awitan. God bless.

At ang huli, si Nancy Santos a.k.a. “Divine Mercy“, nagdiriwang din ng kanyang ika-7 taon sa Iglesia. Bakit nga ba Divine Mercy? Hawakan nyo s’ya sa kanyang palad at malalaman nyo kung bakit. Taong 2002 ng mapabilang sya sa NDC. Si Nanz ang kasalukuyang Assistant Treasurer ng grupo. Isa sa mga kapatid na alam namin na nagmamahal at nagmamalasakit sa grupo at sa bawat isa sa amin. Ipagpatuloy mo yan Sis! Makapanatili ka sana bilang isang masiglang mang-aawit na gumaganap ng kalooban N’ya. Marami ng pinagdaanan ang kapatid na ito kasama ang grupo. At sa lahat ng pangyayari na naranasan n’ya, yun ang nagbigay dahil kung bakit magpahanggang ngayon sa tulong at awa ng Dios ay nakakapanatili pa din sya sa tungkulin. Sana patuloy mo pang pagtitiis, mahalin at pagmalasakitan ang grupo. We love you Divine. God Bless.

Sa aming mga kasamang nagdiriwang ng kaarawan sa espiritu sa buwan na ito… Maligayang Kaarawan sa inyong lahat! Sana loobin ng Dios na lumaon pa ang mga taon sa inyong paglilingkod. Salamat sa Dios at niloob N’ya na tayo ay magsama-sama sa grupong ito. Salamat sa Dios sa lahat ng ating mga pinagsamahan… sa mabuting pagkakaibigan. WE LOVE YOU!!!

Si Arnel Rollon o mas kilala bilang Arn-arn. Ang besfriend ni Gilbert. Kabilang sa 2001 batch. Isa sa aming best tenor. Sa ngayon ay kasalukuyang miyembro na ng National Choir. Marami syang masasayang alaala sa NDC. Kabilang sya sa mga kasama na naawitan si Kapatid na Eli sa Morong. Memorable sa kanila ni Ana ang petsang May 11, 2004 dahil mismong birthday nila ng naawitan namin si Bro. Eli. Sa iyo Arn, binabati ka namin ng isang maligayang kaarawan. Kahit madalang na tayong magkita at magkasama, hindi namin nakakalimutan ang lahat ng masasayang araw noong kasama ka pa namin. Sana’y mapagpatuloy ka lang sa NC. Keep it up. Godbless and we miss you.

Si Karen Rose Villaflor Reyes, ang “Absalam” at modelo ng NDC. Maraming masasayang alaala ang naiwanan ni karen sa grupo. Una na syempre ang “MORONG” at “BICOL” out of town namin. Kaya madalas kaming lumabas noon kasi syempre kasama pa namin si Karen. Ang aming manager pagdating sa mga gastos. Hehehe. Ngayon, pulubi na kami kasi noong 2004 ay isa s’ya sa mga hinugot sa Metro Manila Division Choir. Nakakamiss ang kapatid na ito. Madami kasing masasayang alaala ang iniwan nya sa NDC. Lahat ng tawanan at kulitan, asaran pikunan. Minsan ka partner ko pa ito sa pang gogoodtime sa mga kasama. Ang memorable performance ni karen sa NDC? Syempre nung kinanta nya yung Top of the World. The best ‘to. Si Karen napagsolo namin. Ang lupet ‘di ba? Ngayong May 14 ay nagdiriwang si karen ng kanyang ika walong taon sa Iglesia. Hangad namin na makapagpatuloy ka pa sa iyong paglilingkod. Sana muli tayong magkasama ulit na umaawit, hindi man dito sana dun sa langit kung loobin na parepareho tayong maging dapat. maligayang kaarawan sa iyo. God bless you. Ingat ka palagi.

Sino ba ang makakalimot sa araw na ito? Sa grupo ng NDC, isa ito sa mga araw na hinding hindi namin makakalimutan. Dahil ito ang araw ng naawitan namin si Kapatid na Eli at dito namin naawit sa kanya ang “Pag-asa”. Paano nga ba nangyari ang pagkakataon na ito? Sa Morong bataan, summer outing ng North District. Mga alas 10 na gabi ng umalis kami mula sa lokal ng edsa. Ang mga nakasamang NDC ay si Rj, Abby, Gilbert, Andy, Arian, Vinzor, Michael, Roger, Bong, Arnel, Paul, Bryan, Embet, Jeck, Jean, Malou, Grace, Judith, Shy, Karen, Mita, Ana Sable, Ana Camato, Menggay at Mhinnie. Kasama namin ang aming worker coordiantor noong panahon na yon na si Bro. Wilfred Rivera. Madaling araw na nga makarating kami sa Morong, at doon namin nadatnan si kapatid na Eli na nagluluto ng pansit. Naghain ang mga kapatid at pinakain kami. Pag kakain namin, nagpahinga kami sandali at natulog. Kinaumagahan ay sinalubong na namin ang mga kapatid mula sa North District. Nangyari ang isang pangyayari na akala namin hindi matutupad. Parang suntok sa buwan, na kami, NDC, maawitan si Bro. Eli. Parang hindi mangyayari yun pero niloob ng Dios na mangyari. Bandang tanghali ng sinabihan kami ni Bro. Wilfred na tara puntahan na natin si Ingkong, pero sa unang pagkakataon hindi kami nakalapit kasi nga busy pa din si Bro. Eli. Kaya ang ginawa namin nag swimming ulit kami. Nakakatawa nga e, kasi itong mga boiz inaasar kami dahil para lang hindi basa ang damit namin na haharap kay Bro. Eli nagpalit muna kami, tapos ang sinuot namin e yung suot naming damit papunta ng morong. Sabi ng mga boiz ang babaho na daw namin at tawa pa ng tawa. Mga pang-asar talaga pero dedma na lang kami kasi nga gusto talaga namin maawitan nun si Ingkong. Sa pangalawang pagkakataon, tinawag ulit kami ni Bro. Wilfred, ang sabi aawitan na namin si Bro. Eli kaya nagtakbuhan kami lahat, kaso pag dating namin may ginagawa pa din si Ingkong at sabi ng mga quat na nakapaligid mamaya na lang daw. Nilapitan namin din nun si Bro. Efren Baquing, pero busy din sya kaya hindi na namin naawitan. Halos lahat kami ang lungkot lungkot na. Kasi nga, gusto talaga namin maawit kay Bro. Eli yung Pag-asa. Ang inspirsyon kasi ng awit na yun syempre una ang Dios, pangalawa si kapatid na Eli, nasulat kasi ni sis malou ang awit na ito nung minsang pasalamat na nagsasalita si Bro. Eli tapos umiiyak sya, dun nya sinabi na “Siguro mga kapatid, masarap na maidlip ka na lang tapos hindi ka na magigising”. Kaya ang inspirasyon ng awit na Pag-asa ay yung mga sinalita ni Ingkong. Akala namin hindi na talaga matutuloy na maawitan namin si Ingkong, kaya ang ginawa namin nagpalit na ulit kami ng damit at nagswimming ulit. Bandang hapon na ng may magtext kay karen na Quat na malapit na daw umalis si Bro. Eli at pwede na daw awitan kaya ayun nagmadali kaming lahat na umahon at nagpalit ng damit. At nangyari na nga ang pinapangarap ng NDC. Lumapit si Kuya wilfred, pinapila na kami. Ang sabi nya “Kapatid na Eli ito po ang North District Choir, sila po yung choir na isinama nyo nun sa concert ng Oldies but Goodies”. Tapos tiningnan kami ni Bro. Eli nakangiti tinanong namin sya “Bro Eli, ano po ba gusto nyo awitin namin, oldies po?” sabi n’ya sige oldies at inawit namin ang medley ng Breaking up, Mr. Postman, Carinosa, Ikaw ang mahal ko. Habang umaawit kami tinitingnan kami ni Ingkong, tapos umiindak din sya na nakangiti. Ang saya saya talaga sa pakiramdam. Nung inaawit na namin yung ikaw ang mahal ko, biglang tumayo si Bro. Eli, mukhang aalis na yata,hindi pa namin naaawit ang Pag-asa kaya sumesenyas na kami kay roger na blisan na nya mag gitara. Pagkatapos ng awit namin sinabi namin Ingkong last na lang po, gusto po namin maawit sa inyo ito, kaya nagsimula ng tumugtog si roger, noong una nakatayo si Bro. Eli, hinawakan nya yung walis tingting tapos nagwawalis sya, pero alam namin na pinakikinggan nya kami. Maya maya huminto sya sa ginagawa nya tapos lumapit sa puno, pinatong nya yun kanan nyang kamay habang kumakanta kami tinatap (bong di ko alam sa tagalog to) nya yung kamay nya sa kahoy. At lahat na kami nag-iiyakan. At nakita rin namin kung panong nanlingid ang luha ni kapatid na Eli. Tapos umupo sya. Pagka-awit namin tinanong nya kun sino gumawa nung awit, kung matagal na bang gumagawa ng awit si Malou. Ang sabi nya na talagang na touch ako na natatandaan ko pa sabi nya “Very good, ibigay nyo yang awit sa MMC”. Grabe na ito lahat kami nag-iiyakan, tapos lumapit kami kay Ingkong, nagpa picture at niyakap namin sya. Ang sarap alalahanin ang ganitong pangyayari. Salamat sa Dios sa pagkakataon na ito. Masaya kami na naawitan namin ang sugo ng Dios. Naniniwala kasi ako na noong panahon na inaawitan namin si Bro. Eli, parang naaawitan na rin namin ang Dios. Dahil walang taong pinakamalapit sa Dios sa panahon na ito kundi yung sugo Nyang mangangaral. Saka yung pakiramdam, di kayang letrahan. Iba talaga. Kaya iyak na lang kami ng iyak. Pero ang saya saya sa pagkataong loob. Natutuwa kami na naawit namin kay Ingkong ang Pag-asa (5 months pa lang ang awit na ito kagagawa pa lang. Una kasi namin naawit ang Pag-asa sa assembly ng KKTK North jan 2004). At sa ngayon ang awit na “Pag-asa” ay patuloy na nagiging inspirasyon ng bawat isa sa atin sa ating mga paglilingkod. Salamat sa Dios. Salamat sa isang pangyayaring patuloy na nagbibigay inspirasyon sa NDC. Salamat sa mga awit na Kanyang kaloob, sa kanyang Awa at kagandahang loob. TO GOD BE THE GLORY!

Yehey, holiday ngayon dapat walang pasok. Dahil birthday ni Her excellency.. Michelle Fernandez a.k.a Madam. Bakit nga ba Madam ang tawag sa kanya? Hmmmnnn. According to Vinzhor, kamukha daw nya si Madam President. Hindi si GMA ha, si Ate Glow. Ang saya saya noh? Pero hindi bading si Madam (mukha lang) ops, peace tayo. Binansagan s’yang Madam kasi nuong minsang pauwi na sila galing sa destino, sinabihan sya ni Bong na ka boses daw niya si GMA. Eh kasama rin nila si Vinzhor nun, so hayun ginatungan na ng Vinzhor. Kaya kinabukasan Madam na ang tawag sa kanya.

Si Madam ay napabilang sa NDC taong 2003. Isa sya sa mga nag-audition ng taong iyon. Si Madam, sa unang impression eh, kung hindi mo s’ya kilala ay maaring akalain mong tahimik at mahiyaing tao. Pero sa totoo lang, ay napakakulit at maingay ang babaeng ito. Sobrang lakas ng boses, kahit harapan na kayong nag-uusap. Palaging s’yang high energy ‘pag nasa mood pero sobrang tahimik naman kung badtrip, lalo na kapag mayron s’yang… topak. Ang lakas din nitong mang-asar at sobrang sakit mangurot. H’wag kayong makikipagharutan diyan kung ayaw n’yong magka pasa gaya ng ginawa nyan sa braso ni Bong. Si Madam ay isang kapatid na nabiniyayaan ng maraming talento. Natatandaan ko nuong inawit nya yung “You light up my Life”. Pano nga ba yon? So, so, so many nights… Ang daming “so” nun ha. Mahusay din yan kahit sa sayawan kahit na mala-toothpick ang katawan. Saan ka pa?

Pero sa likod ng kanyang kakulitan at kaingayan, isa syang kasama na maaasahan. Kahit na pagod at puyat dahil sa trabaho nya sa call center eh pinipilit pa rin nyang makasama sa mga funtions ng grupo. Kaya mula sa aming lahat, binabati ka namin ng isang maligayang kaarawan. Nawa’y mapagpatuloy ka sa NDC. Nandito lang kaming mga kasama mo. Mahal ka namin Madam. God Bless you!

Si Grace Comission a.k.a. Shukran, ang Gracia Arce ng grupo. Ang lufet noh? Teka, meron pa palang bagong alias to… “Angel”. Hindi Angel Locsin. Kundi Angel Lo Blanco! (Corny ba? Galing yan kay RJ yun). Siya ang long lost sister ni Sis. Genesis. Kabilang s’ya sa naunang Batch ng 2001. Naaalala ko pa, noong probationary pa lang kami, s’ya ang pinaka active noon,. Kahit na pipigilan pa siya ng magulang eh go pa rin. Nawala siya sa grupo ng halos isang taon dahil pumunta ng Dubai para magtrabaho. DREAM, BELIEVE, DUBAI! Yan ang naging slogan ni Shukran. Mahiyain at may pagkasensitib. Noon ngang minsang rehearsal, habang inaayos ang mga pwesto ng bawat isa, at sya na lang ang walang pwesto, tinanong nya si Embet “Saan ako” sinagot s’ya ni Embet “Doon ka sa kanto”. Aba’t ang Shukran nagtampo at nagwalkout ba naman at hindi lang sa kanto ng Edsa pumunta kundi sa kanto ng BS Kanan. Hahaha

Si Paul ay kabilang din sa batch 2001. Nakakatuwa itong si Paul kapag umaawit kami, pano ba naman ang lakas ng boses as in bass na bass talaga at may pagkakataon na nangingibabaw na siya at hindi nya napapansin. Malupet din itong mag choreo, mala robot. Hehe. Masipag at tahimik, pero kahit hindi na s’ya mag joke eh… nakakatawa na s’ya. Remember yung game nating B.E.A.M? Walang kumaya sa powers ni mo noon. Pati si Bong no match sa ‘yo. Eh yung “NORTHLIFE”? The best yun. Ang dami mo yatang naging fans dahil dun. Doon nga naiyak sa kakatawa si kuya Dennis. Apir.

Si Jerald Rumbaoa, ang kasalukuyang presidente ng NDC. Kilala na Boy Nganga, ang Mr. Swabe ng NDC at kilabot ng mga Kusita! Peace tayo. Kabilang sa 2nd batch ng taong 2001. Masayang kasama at kausap. Sino ba ang hindi makakalimot sa ‘yong mga solo performances? Yung hagod ng boses, yung mga Mr. Swabe moves at syempre ang pamatay mong “Eternally”. Talagang todo bigay, may patalikod sabay harap pa. Ang lupeet!

Sa inyong tatlo, nawa?y magpagpatuloy pa kayo sa paglilingkod. Hangad namin ang pinaka mabuti para sa inyo. Paul, tuloy lang sa mas dakilang tungkulin na pinili mo. Sana lagi ka pa rin sumama sa amin kapag available ka. Grace, pasensya na sa lahat ng kakulitan at pang-aasar namin sa yo. Basta wala lang pikon. Ha?. Pero, iba ka na pala ngayon ‘di ka na medyo naaasar at gusto mo pang inaasar ka.. Aru,aru,aru. Sa aming presidente, susuportahan ka namin basta magpakabait ka lang. Sana’y magsilbi kang mabuting halimbawa sa bawat isa sa amin. Mga kasama binabati namin kayo ng isang maligayang kaarawan mga bisaya! God Bless you all. We love you.