CARIÑOSA

Ang pangarap ko sa pag-ibig
ay maging akin ang dalangin
ng isang tapat kung gumiliw
ang pagsuyo’y di mawawaglit

Matupad ko lamang ang nais
hahamakin ko ang panganib
Sapagkat ako’y cariñosa kung umibig

Ang puso’y laging malulumbay
Kung lilimutin mo
ang pagsintang wagas aking mahal
Giliw ko na ang tanging
pag-asa, waring magdurusa

Panaligan mo aking giliw
Kailanma’y hindi lilimutin
ang iyong pagsuyo sa akin
iingatan Ko hanggang libing

Kung ako’y maging cariñosa
sa piling mo lang aking giliw
Ang pag-ibig ko ay asahan
walang maliw