NDC blog » Tula http://northdistrictchoir.com Wed, 19 Nov 2008 21:22:36 +0000 http://wordpress.org/?v=2.7-beta3-9791 en hourly 1 Sa isang sulok ng Iyong langit (tula) http://northdistrictchoir.com/sa-isang-sulok-ng-iyong-langit http://northdistrictchoir.com/sa-isang-sulok-ng-iyong-langit#comments Wed, 19 Sep 2007 23:02:20 +0000 bong http://northdistrictchoir.com/blog/206 Hindi ako karapat-dapat ibigin
pagkat ganda’t yaman
ay salat sa akin
mahina at hamak na ituring
sa pagkatao’y walang sukat purihin
at sa kabila ng aking kaliitan,
di maubos isipin…
nagawa Mong ako’y igalang at ibigin

sa Iyong di masayod na habag
saksi ang buhay ko
bawat datnang umaga’y pahayag
ng kagandahang loob Mo
kaya’t dalangin ay Iyong pahirin
tanang karumihan ko,
puso’t kaluluwa’y linisin
maging mapalad ang abang alipin

pagkat nasa ko’y makarating…

sa isang sulok ng Iyong langit
kung saan Ika’y matatanaw
Iyong mukha’y mamamasdan,
kaluwalhatian Mo’y masisilayan

sa isang sulok ng Iyong langit
kung maabot at makapanahan
sa pangarap, siyang katuparan
ligayang tunay, walang kapara

Ikaw na nga lamang
siyang dahil ng buhay ko
at wala ng ibang hangad
kundi maging dapat sa Iyo
lupit ng lakbayin
nagagawa lamang harapin
dahil batid kong Ika’y nariyan
di mag-iisa kailanman

kaya naman patuloy na iibigin
aral at katotohanan Mo
na siyang maghahatid sa akin
sa pangarap na langit,
sa buhay, kapiling Mo…

lahat ng hirap, pagtitiis
sadyang di maipaparis
sa ligayang naghihintay
kung itutulot Mo Ama
na ako’y makarating…
kahit sa isang sulok
ng iyong langit

ni: Malou Gangan / 10-25-04

* Ito ang original na tula na ginawang awit sa tulong ng Dios ni Roger Clores.

]]> http://northdistrictchoir.com/sa-isang-sulok-ng-iyong-langit/feed